Une Vendos Une Votoj » Lajme

Takimi radhes ne qytetin e Peqinit

User User — Mon, 27 May 2013 14:52:32 +0000

Në Takimin Publik të radhës së nismës “Voto, ti Vendos”, mbështetur nga Programi i Granteve të Vogla i Ambasadës Amerikane, organizuar në qytetin e Peqinit, me ndihmën e bashkisë së këtij qyteti, ishte i ftuar Z. Endri Xhafo, personalitet dhe gazetar i njohur në Shqipëri, i cili gjatë fjalës së saj, theksoi se: “…Votimi familjar vijon të mbetet problem serioz i zgjedhjeve në Shqipëri. Misionet e Vëzhgimit të Zgjedhjeve të OSBE/ODIHR-it e kanë vënë re këtë në të gjitha raportet për zgjedhjet në Shqipëri. Kjo vjen si pasojë e një mentaliteti që e sheh politikën vetëm si një “punë” për burra. Por një nga shtyllat e demokracisë është barazia mes qytetarëve dhe, ndonëse me vonesë, e drejta për t’u zgjedhur dhe për të zgjedhur u është njohur grave në shekullin XX, duke plotësuar kështu shprehjen e vullnetit të popullit.Rëndësia kapitale për zgjedhje të lira, të rregullta dhe të ndershme qëndron në shumë faktorë. Krejt së pari,zgjedhjet riafimojnë autoritetin e shtetit të së drejtës.

Në vijim zgjedhjet e lira dhe të ndershme hedhin dritë mbi çështjet që shqetësojnë shoqërinë, sepse kandidatatët janë të detyruar t’u paraqesin zgjedhësve qëndrimet e tyre mbi çështjet e ndryshme, si edhe programin e tyre. Së fundi, zgjedhjet u japin qytetarëve pushtet që të zgjedhin mes kandidatëve të ndryshëm. Në këtë kuadër, është shumë e rëndësishme që kandidatët të dëgjohen me vëmendje, të pyeten për programet e tyre dhe për ato që kanë realizuar deri më sot. Duke zhvilluar, për sa të jetë e mundur, një komunikim të tillë të thelluar me kandidatët për deputetë, çdo zgjedhës, përfshirë gratë dhe vajzat, e ka më të lehtë të krijojë një ide për atë që kërkon nga përfaqësuesit e tij në Parlament. Po ashtu, do të jetë më pak i ndikueshëm nga të tretë dhe më i prirur për të ruajtur fshehtësinë dhe karakterin vetjak të e votës.…”

Takimi radhes ne Devoll, Komuna Progër, Fshati Vranisht

User User — Mon, 20 May 2013 12:47:10 +0000

Takimin Publik të radhës së nismës “Voto, ti Vendos”, mbështetur nga Programi i Granteve të Vogla i Ambasadës Amerikane, organizuar në Devoll, Komuna Progër, Fshati Vranisht, ishte e ftuar Znj. Kozara Kati, Drejtore Ekzekutive e Qëndrës Shqiptare për të Drejtat e Njeriut e cila gjatë fjalës së saj, theksoi se: “…Në kushtetutën tonë, e cila është një ndër më të rejat në Europë, theksohet e drejta e votës si një ndër të drejtat më të rëndësishme. Votimi duhet të jetë individual dhe i fshehtë. Askush nuk duhet të vendosë për ju, dhe njëkohësisht ju nuk duhet të votoni në mënyrë të papërgjegjshme, sepse vota juaj përcakton të ardhmen tuaj për 4 vitet e ardhshme…

Takimi radhës në Komunen Anë e Malit, Fshati Oblike, Shkodër

User User — Sun, 12 May 2013 22:01:14 +0000

Në Takimin Publik të radhës së nismës “Voto, ti Vendos”, mbështetur nga Programi i Granteve të Vogla i Ambasadës Amerikane, organizuar në Komunen Anë e Malit, Fshati Oblike, Shkodër, ishte i ftuar Dr. Teki Kurti, pedagog i Shkencave Politike, i cili gjatë fjalës së tij, theksoi se: “…Nërpërmjet zgjedhjeve shtetasit realizojnë një ndër të drejtat politike të tyre e cila në bazë formëson demokracinë funksionale. Një nga faktorët për demokraci të qëndrueshme është sistemi zgjedhor dhe mënyra e zbatimit të tij. Barazia e shtetasve në zgjedhje nënkupton se një person ka vetëm një votë, dhe kjo votë sipas sistemit tonë është e fshehtë. Ju nuk duhet të lejoni që dikush tjetër të votojë për ju, pasi në këtë mënyrë ju hiqni dorë nga të qënit pjesëtarë i demokracisë liberale… ”

Takim me qytetarë të zonës së Kenetës në qytetin e Durrësit.

User User — Wed, 24 Apr 2013 12:38:32 +0000

E hënë, datë 6 Maj

Shoqata për Integrimin e Zonave Informale dhe Lëvizja Mjaft , me financimin e Programit për Grantet e Vogla të Ambasadës Amerikane, janë duke implementuar në kuadër të zgjedhjeve parlamentare 2013, “Unë votoj, unë vendos”. Ky projekt është një fushatë ndërgjegjësimi e cila synon edukimin dhe mobilizimin e votuesve me qëllim inkurajimin e komunitetit për të reaguar kundër votimit familjarë. Përmes kësaj nisme ne synojmë të mobilizojmë të rinjtë dhe gratë e zonave rurale dhe informale, në zgjedhjet e ardhshme parlamentare të 23 qershorit 2013, për të zvogëluar dhe eliminuar fenomenin e votimit familjar apo në grup duke rritur kështu qytetarinë aktive dhe pjesëmarrëse.

Në Takimin Publik organizuar në Kënetë të Durrësit, ishte i ftuar Z. Erion Kristo, pedagog i Shkencave Politike, Universiteti Marin Barleti, i cili gjatë fjalës së tij, theksoi se: … “Vota është e vetmja mënyrë për tu thënë, politikbërësve çfarë është e rëndësishme për secilin nga ne. Vota është individuale dhe na jep ne të drejtën për ti dhënë zë asaj që ne besojmë. Votimi Familjarë, paraqet thyerje të së drejtës për votim, bazë për dyshim në rezultatet zgjedhore dhe mund të çojë deri në prishjen e Zgjedhjeve Parlamentare 2013…”